好野！

好野！
兩場小表演終於柒柒地落幕。

只不過短短夾了一個月，已經足夠去體會很多事情，
例如，我還是比較擅長做行政雜務啦。
整體來說，我很享受團練，全神貫注的感覺很棒，
但這一隊是夾不下去了，
或許將來我也會去找另外一些人一起，因為人還是問題的核心。
我實在無法忍受有人練了一個月，
表演當天依然渾然忘記整首歌的chord progression，然後還可以大模斯樣地說出口。
（當然看過這位大哥表演的人都看得出他準備如何不足．．． ）

這陣子十分感激大佬對我的一切支持，不斷幫我執譜，不斷開解容易鑽牛角尖的我，
更不辭勞苦地早上在南生圍拍完MV，晚上還替我加堂！
有一晚，因為莊務使我心情壞透，心頭似被一大塊石頭壓住，又受了不少委屈，
我邊告訴大佬我們又轉歌，眼淚邊在眼眶裏打轉著，
我深怕麻煩到他，他就答我：not at all, got your back，
然後我就忍不住嘩啦嘩啦地哭了起來。:o)
早兩天還跟他一起看了錄影，
他不費吹灰之力就指出了誰誰誰準備不足，誰誰誰曾指責我太用功，
還說中了我們的鼓佬的性格，真的是一！眼！就！看！出！了！
但可能是器材實在太不濟，也可能是見我這個月來多麼努力，他沒有說我的什麼，
那我就當自己至少沒有失禮囉 。XD　

還得感謝幾位專程來看我的好朋友，我心裏是萬分感動的，
但眼淚我會留待三一六才流。XD
三月實在有太多好事情啦～～～一定會比二月更好的！

9up

其實我不過係係到9up，記錄低演出前紊亂GE思緒，不需要太太太認真。

好快就要演出，好多野做，太少時間，壓力山大的。
我愛我班莊員，但長遠而言，並唔係適合的Bandmates。
要出Show係好大壓力，壓力大到我琴晚真係唔小心喊左出黎，
一度對自己極度懷疑，又覺得自己極度依賴，又同時太認真太煩。

但今朝回想起大佬琴日同我講GE野，我又豁然開朗返。

音樂上，無可置疑，夾野係可以令人突飛猛進，連大佬都係咁講。
佢話：雖然你而家四首入面每首都只係彈到三成，
但咁短時間入面你由跟住拍子機彈都嗌救命到而家咁，我簡直覺得係神跡！
呵呵，努力被肯定是叫人快樂的～～～
（唔使下下拎住支結他post上instagram高呼熱愛音樂先叫做好學生GE～）

我曾經懷疑過演出機會一浪接一浪，究竟係咪一件好事，
但聽完又覺得，係喎，咁樣反而先可以加倍鞭策到自己，
因為我呢D咁自負GE人，始終都係唔想衰比人睇，
連佢都睇得出從來只有我自己先迫到我做野，所以最後都開到聲叫我唔好失禮佢（笑）。
諗深一層，其實由細到大，屋企都冇乜比壓力我，好少要我考得點點點，
往往都係我將千斤重擔放係自己身上，然後落得被指arrogant的罪名，
其實我不過係對自己要求一向高，是為自負也。

做人處事上，根據經驗，同一班玩世不恭GE麻甩仔夾野注定我一定會忟憎，
因為我習慣認真，有機會做就想做到我能力所及GE最好，
班友仔唔認真唔代表我都要同佢地一樣唔認真，
所以我成日思考揀歌GE問題，又主動約練野，又會徵詢下意見；
而我呢種處事方式，係佢地，甚至一般男仔眼中，就係煩。
但夾野始終係幾個人GE事，我都唔想煩到大家不歡而散，所以我都為此而自責過。
不過，經過開解，諗落其實我無錯，
做事認真，又點解會係錯呢？^____^