愛之深，責之切。

琴晚Shaw千有Kolor睇。
成個月無睇Show的我自不然久旱逢甘露，點都會覺得好睇，
唔會好似上次Urban Webzine個場咁，企係個大amp前面訓著；

但係我諗諗下，咦唔對路喎，又係時差／天地會／圍城／了不起，
咁同我前年10月睇香港海洋音樂祭個rundown有咩分別，四中三喎，
新加GE天地會仲要係2012 1月GE歌，唱舊歌唔係唔好，耳熟能詳可以跟住唱，
但換而言之，即係佢地足足有一年空檔期。
喂，海洋音樂祭同日大佬們係九展再次心跳，
當時佢地出細Show都仲係成日點滴／Dance in the Rain／心跳，
雖然佢地次次都有D改動，有時唱返舊歌，但總體而家個rundown都變左九成。
講大佬們，我可能嚴重bias，咁睇ToNick，
比較蒲吧十周年個次，佢地都係幾乎全唱新歌，而唔係食老本；
就算係鐵記，一月出完忘不了，六月個陣都出左煙花散啦！

我係到打咁多野其實無乜用，一來無人睇，二來佢地出名耳仔硬。
不過，對第一場Show就係睇Kolor GE我而言，就有點唏噓，
岩岩好趕上佢地大熟大勇之期，Now Loading D片真係齋睇都已經血脈沸騰；
但舊年八月Concert，雖然我走左去做Helper，都感覺到成場Show水準每況愈下。
（咁當然一場Show好唔好睇取決好多因素，
台燈聲、場地、安排、Rundown、觀眾．．．並不全然關表演者事）

其實Law of 14 突破傳統宣傳框架GE作用已經達到，而家反而淪為為做而做，疲態畢現，
我頂，不如認真做返隻有連貫性GE 大碟好過啦！