Almost Famous

最近有人問我一個非常高深GE問題：搖滾（對我而言）係D咩？
而叫我介紹D相關書籍，同我覺得能夠代表搖滾GE歌比佢。

我第一個反應係：唔係化？！
呢條問題根本唔可以一時三刻答到佢，甚至係需要花一生去尋覓答案，
而憑我短短年資更加係答唔起啦。
雖然有呢個心係好，我好開心；
但我又不禁懷疑就咁讀，就咁（被動地）聽，係咪就真係夾得成呢？
一班人唔齊腳無經驗唔係問題，凡事總有第一次；
我都認同夾唔成一樣有好處，最緊要嘗試過（但佢無聽過ToNick）
我自己都經歷過，夾完兩個月廢柴如我都有進步，絕對係好事。
但話分開一個個post自己對練，等到有返咁上下水準先一齊夾，
咁樣究竟同唔夾野自己一個人練有咩分別？？？

真係純粹為玩，為興趣，就唔會自己諗咁多理念，
為「夾野」呢個行動加咁多意義理由落去啦。
得把口，空談理念訊息，又唔落手全世界夾一次，
可能本來我就唔係太渴望夾野，所以我唔明白呢種方式；
又可能係我作為觀眾／搞手，習慣用旁觀角度去睇，太過冷靜理性；
又可能係我已經無初初接觸個時咁熱血咁理想化，將夾野睇得太灰；
可能只不過係我衰，我真係對佢地將來唔樂觀。

不過呢個問題就令我諗起，究竟當初點解我會開始聽Band Sound。
雖然只係短短五年光景，但對我影響真係好深。

我記得係F.2 個年Singcon，有隊參賽者唱Simple Plan的Crazy，之後就大班人開始係咁聽；
同期The Click Five出碟加黎香港開Concert，又有班人開始係咁聽佢地，
同年OneRepublic出左隻（百聽不厭的）Dreaming Out Loud，
我就係咁覺得好奇就搵黎聽，
個年暑假，我記得我就係不斷播住Modern Minds & Pasttimes／Dreaming Out Loud兩隻碟過。
之後開始四圍搜括新野聽，
由Last.fm推介The Fray、Snow Patrol，到自己搵Boys Like Girls．．．

最後係高登見人係咁話Muse好聽，就開始接觸英倫野；
個期又好多人討論90s' Britpop，我就係咁識左四巨頭。
Oasis：瑯瑯上口，但我真係麻麻。
Blur：有興趣過Oasis，但未至於中意。
Pulp：至愛，接觸全因被Common People故事吸引，加上Jarvis Cocker精彩舞姿，殺曬。
Suede：至愛頭2隻碟，因為睇左篇引用左The Wild Ones的小說，加埋Brett Anderson，殺曬。
至於另一至愛Radiohead，我真係唔記得自己點解會識！！！

之後又四圍搵野聽，機緣下遇上最後晚餐，
但個時只係叫做記住左Supper Moment呢個名，無特別中意，反而迷上左RB；
到11年咜咤前意外聽到尋因果，眼前一亮，但又一直無再挖落去。
一路直至我因為好奇聽左鐵樹蘭全碟，對Local Indie好有興趣，
再的起心肝追返Kolor所有歌，再係youtube遇上P.S. I Love You，就真係從此踏上不歸路了。

之後GE事就講過好多次了，就此略過。
其實講左咁多，我最後都係想講．．．

究竟我點解會接觸Radiohead架？！

「做得樂迷，就係對一隊Band好執著，熱情投入佢地音樂、態度同文化當中，唔止口頭，而係心理、生理同經濟上都為佢地付出，只有咁先至叫同配做一隊樂隊之真正樂迷。」– Almost Famous (2000)

得閒再寫。